Meir reint vatn
- No ynskjer vi å utvide tilbodet til enda fleire husstandar, seier Willow Saludes.
Han er leiar i det lokale bondelaget og ein av pådrivarane for prosjektet.
– Vi kan bruke av den månadlege vassavgifta, men for å få nok, må vi også få politikarane med på laget, forklarer han. Abonnentane må betale ei tilknytningsavgift, og dersom nokon forsøker å knyte seg til ulovleg, vankar det ei saftig bot.
Ringverknader
- Det er gledeleg å sjå at eit prosjekt som dette aukar levestandarden i dei fattige husstandane. Folket smiler og er svært nøgd med det sildrande vatnet dei no har tilgang på, seier Danilo Manalo.
Han har ansvar for infrastrukturprosjekta som Misjonsalliansen støttar.
- I tillegg til at det er meir praktisk for folket å ha vatn like ved huset, vil det også føre med seg ein helsemessig gevinst. Dei vil no bruke det reine vatnet til all matlaging og vasking, avsluttar han med eit smil.
